УИХ дахь МАН-ын бүлгийн хуралдаан өндөрлөлөө.

УИХ дахь МАН-ын бүлгийн дарга Д.Тогтохсүрэн:

-Засгийн газраас эдийн засаг үүсч байгаа нөхцөл байдалд зохицуулалт хийх талаар авах арга хэмжээний тухай УИХ-ын тогтоолын төсөл, дагалдах хуулиудыг өргөн барьсан. Засгийн газраас авч хэрэгжүүлэхээр тавьсан 7 санал цаг үеэ олсон. Төсөвт тодотгол хийх нөхцөл үүсээгүй байна. Цаашдаа эдийн засгаа идэвхжүүлэх асуудал чухал юм. Тийм учраас Засгийн газраас өргөн барьсан саналыг энэ 7 хоногт шийдвэрлэх шаардлагатай. МАН-ын бүлгээс өргөн барьсан төсөлтэй холбогдуулан гурван тодорхой саналыг оруулж байгаа.

Төрийн албан хаагч, төсөвт байгууллага, төрийн өмчит аж ахуйн нэгж, улсын болон орон нутгийн төсвөөс   ажил гүйцэтгэж байгаа аж ахуйн нэгжүүдийн НДШ, ХАООТ-ыг чөлөөлөхгүй байхаар шийдвэрлэсэн. Манай бүлгийн зүгээс төрийн өмчит аж ахуйн нэгж, төрийн албан  хаагч, төсөвт байгууллагыг татвараас чөлөөлөхгүй байж болно. Харин улсын болон орон нутгийн төсвөөс   ажил гүйцэтгэж байгаа аж ахуйн нэгжүүдийг чөлөөлөхгүй байж болохгүй. Бүх аж ахуйн нэгжийг хамруулъя гэж байгаа. Засгийн газар үйл ажиллагаа нь догодсон аж ахуйн нэгжүүдийн ажилтнуудад 200 мянган төгрөг олгохоор шийдвэрлэсэн. Үүн дээр бүх аж ахуйн нэгжийг хамруулах санал гаргахаар шийдвэрлэсэн хэмээлээ. Төрийн албаны, тендэрт шалгарсан аж ахуйн нэгжүүдээс бусад компаниудыг НДШ-ээс чөлөөлж, ажилтнуудын цалинг ХХОАТыг тэглэхээр болсон. Бүлэг хэлэлцээд төрийн байгууллагаас бусад бүх аж ахуйн нэгжид ижил түвшинд хандаж НДШ, ААНОТ-аас чөлөөлөхөөр үзэж байна. Мөн үйл ажиллагаа нь доголдсон болон хүндрэлтэй нөхцөлд ажиллаж байгаа компаниудын ажилтнуудад ч сар бүр 200 мянган төгрөгийн тэтгэлэг олгох саналд нэгдээд байна. Ипотекийн зээлийн хүүтэй холбоотой асуудлаар бүлгээс ажлын хэсэг гарч ажилана. Бүх их, дээд сургуулиудыг НДШ-ээс чөлөөлнө хэмээн мэдээлээд сэтгүүлчдийн асуултад хариулав. 

-НДШ-ийн төлөлтийг яаж хийх бол?

-НДШ-ийг төлөхдөө одоо төлж байгаагаар нь бичилт хийнэ. Одоо аж ахуй нэгж төлөөд явж байгаа. 

Н.Энх