Монгол Улсын Ерөнхийлөгч өнөөдөр шинээр нэр дэвшиж буй сайд нар болон АН-ын ажлаа өгсөн сайд нарыг хүлээн авч уулзлаа. Тэрбээр уулзалтын үеэр өмнөх сайдууд нь бүрэн ажлаа өгөөгүй байхад шинэ хүмүүсийг томилох гэж яарах хэрэггүй гэдгийг онцоллоо. Түүнчлэн өнгөрсөн долоо хоногт Засгийн газрын тэргүүнийг хүлээн авч уулзахдаа тохиролцсон асуудлуудын талаар тодруулсан юм. Өөрөөр хэлбэл, Ерөнхийлөгч шинэ сайдуудыг томилохдоо УИХ-аас авахгүй байх хэрэгтэй, Тэргүүн шадар сайд, дэд сайдуудыг томилох шаардлагагүй гэх мэт зүйл ярьж байсан билээ. Харин МАН-ын бүлгийн хуралдаанаас шал өөр байдлаар асуудлыг шийдэж, зургаан сайдын 50 хувийг гаднаас, 50 хувийг УИХ-аас томилохоор болоод байгаа юм. Чухам юуны учир ийм шийдвэр гарав, сайд нараа нэр дэвшүүлэхдээ ямар шалгуур баримталсныг Ерөнхийлөгч тодрууллаа. Ерөнхий сайд С.Батболд “Шинээр  томилогдох сайд нарын асуудал хуулийнхаа хүрээнд шийдэгдэх учиртай. Тиймээс хуулийн дагуу оруулж ирсэн. Цаашид УИХ Үндсэн хуулийн өөрчлөлт болооод Засгийн газар, УИХ-ын хуульд зохих өөрчлөлт хязгаарлалтуудыг оруулж, Засгийн газрын гишүүн УИХ-ын давхцлыг ярилцах ёстой гэдгийг цаашид батлах хууль дүрмийн хүрээнд яригдана. Харин шинээр томилогдсон сайд нарын нэрс өнөөдөр  мөрдөгдөж байгаа хууль дүрмийн хүрээнд орж ирж байгаа  гэдгийг хэлье” гэлээ.