Сөүл-Улаанбаатар чиглэлийн тусгай үүргийн онгоц өчигдөр /2020.04.08/ 20:11 цагт Буянт-Ухаа нисэх буудалд газардав.

Тус онгоцоор 267 иргэн ирсэн. Тухайлбал өндөр настан болон асран хамгаалагчтай 50, эрүүл мэндийн шалтгаантай болон асран хамгаалагчтай 43, жирэмсэн болон асран хамгаалагчтай 5, оюутан 18, бага насны хүүхэдтэй болон гэр бүл 49, БНСУ-д хууль бусаар оршин суусан хэргээр түр саатуулах байранд саатуулагдсан 55, хүндэтгэн үзэх бусад шалтгаантай 47 хүн байна гэж Улсын онцгой комиссын Шуурхай штабаас мэдээлсэн.