МАН-ын намаас цаг үеийн асуудлаар мэдээлэл хийлээ.

Ерөнхий сайдын хэвлэлийн төлөөлөгч Ө.Золбаяр:

-МАН хуулинд заасны дагуу УИХ-ын сонгуульд  санхүүжилтээ хандиваар босгож    оролцох зарчим баримталж байна. Хандивын аяныг зарласан байгаа. Нам, эвслүүд хандивын санхүүжилтээр сонгуульд оролцдог. Хандивын дансанд иргэд, сонгогчид, МАН-ын гишүүд хандиваа ирүүлэх юм гэлээ.

Сангийн дэд сайд Х.Булгантуяа:

-МАН-ын зүгээс ёс  суртахуунтай, нэр цэвэр, мэдлэг туршлагатай хүмүүсийг нэр дэвшүүлж байгаа. Нэр дэвшигчид өөрөө тодорхой санхүүжилттэй. МАН нэр дэвшигчдээсээ татаас аваагүй. МАН-ын 200 гаруй мянган гишүүд намаа дэмжиж байна гээд 2000 төгрөгөөс эхлээд сэтгэлийн хандив өгдөг нь бидэнд маш их дэм болдог. Бидний зүгээс янз бүрийн мөнгө төгрөгтэй холбоотой асуудал байхгүй. Иргэдийн оролцоог хангасан сонгууль болоосой гэж хүсч  байна хэмээн мэдээлэв. 

МАН-ыг дэмжигч, гишүүд  Төрийн банкны 340102000012 дансанд хандиваа шилжүүлэх юм байна.  Түүнчлэн МАН гишүүдээсээ их хэмжээний мөнгө татаж байна гэсэн хуурамч мэдээлэлд албан ёсны няцаалт хийснийг танилцуулав.