Өндөржүүлсэн бэлэн байдлын зэрэгт шилжсэнээс хойш Төрийн ордонд сэтгүүлчдийг тодорхой заасан цэгт мэдээлэл авахыг УИХ-ын болон Засгийн газрын хэвлэлийн албанаас шийдвэрлэсэн. Энэ хугацаанд Засгийн газар болон УИХ-ын гишүүд өөрсдөө мэдээлэл хийх цаг товлосон тохиолдолд  сэтгүүлчдийн байршиж байгаа цэгт ирж мэдээллээ хийдэг. Харин парламентын сэтгүүлчдийн тухайд тус тусын редакцийн өгсөн чиглэлийн дагуу мэдээллээ авах эрх нь хаагдаж ирсэн билээ. Шинэ парламент бүрэлдсэн энэ үед ч парламентын сэтгүүлчид чуулган, байнгын хороо сурвалжлахаас эхлээд Төрийн ордонд мэдээллээ чөлөөтэй авах орчин бүрдээгүй, хаагдмал байна. Тиймээс сэтгүүлчид олон нийтийг бүрэн мэдээллээр хангаж чадахгүй хүрээд  байгаа учир Төрийн ордонд сэтгүүлчдийг мэдээлэл авах орчныг бүрдүүлэх талаар хологдох газруудад шаардлага тавьсаар өнөөдрийг хүрч байна.