Дарь-Эхийн зам засварын талаар Нийслэлийн Засаг дарга бөгөөд Улаанбаатар хотын захирагчийн үүрэг гүйцэтгэгч Ж.Батбаясгалангийн өгсөн үүрэг даалгаврын хэрэгжилтийг мэдээллээ.

Дарь-Эхийн зам өчигдрөөс өнгө хучилтаа хийж эхэлсэн байна. Нийслэлийн Засаг даргын үүрэг гүйцэтгэгч Ж.Батбаясгалан гурван удаа ирж, ажлын явцтай танилцсан. Өгсөн үүрэг даалгаврын биелэлт нь 1,5 км авто зам засварын өнгө хучилтын ажлыг хийж гүйцэтгэх байсан. Харин   гурван км замыг хучиж даалгаврыг давуулан биелүүлжээ. Одоогийн байдлаар замын индүүдлэгийн ажил, үлдсэн замын хучилтыг хийж байгаа аж.

Замын ажлын ерөнхий инженерийн хэлснээр "Эхний хэсэгт  хаасан 1,5км замын өнгө хучилт дуусах тал руу орсон. Одоогоор 80 хувьтай ажиллаж байгаа. Тэмдэглэгээний ажил урд хэсгээсээ эхэлсэн" гэлээ.

Э.Үүрийнцолмон