Алтанбулагийн боомтоор орж ирсэн тээврийн жолооч 21 хоног тусгаарлагдаар гарснаас дөрөв хоногийн дараа "Ковид-19"-ийн халдвар илэрчээ. Иймд Улаанбаатар хотод гурав хоногийн хөл хорио тогтоогоод байна. 

Халдвар авсан иргэдийн нэгдүгээр хавьтлын 16 хүнийг эхний ээлжинд илрүүлжээ. Бусад хавьтагч нарыг тогтоохоор тандалт, судалгаа үргэлжилж байгаа аж.

Нийслэлийн бүх шатны боловсролын байгууллага, үзвэр, үйлчилгээ, баар цэнгээний газрын үйл ажиллагааг зогсоосон. Мөн хурал, цуглаан, нийтийг хамарсан үйл ажиллагаа зохион байгуулахгүй. Иймд шаардлагагүй бол гэрээс гарахгүй байхыг анхааруулж байна.