Антологи цуврал /anthology series/ гэж юу вэ?

Антологи гэх үгийг 17-р зуунд англи хэлэнд хэрэглэж эхэлсэн бөгөөд цэцгийн цуглуулга, нийлбэр багц гэсэн утгатай грек үгээс гаралтай. Толь бичгvvдэд шvлэг, өгvvллэг, эссэний цоморлог гэх утгаар ихэвчлэн тайлбарласан байх нь бий. МЭӨ VII зуунаас МЭ ХI зуун хvртэлх vеийн шvлэг зохиолуудыг хамарсан “Грек антологи” ном нь хүн төрөлхтний анхны антологиудын нэг юм.

1920-оод он хүртэл зөвхөн хэвлэмэл бүтээлд л ашиглаж байсан дээрх нэршил АНУ-д 1927 онд радиогийн антологи цуврал, 1932 оноос антологи кино, 1945 оноос телевизийн антологи цувралууд үзэгч сонсогчдод хүрч эхэлсэн түүхтэй. Өнөөгийн ойлголтоор бол цуврал, улирал, анги, хэсэг тус бүрт өөр түүх, өөр дүрүүд агуулсан цаашлаад өөр төрөл, өнгө аяс агуулсан радио, телевиз эсвэл киноны цувралыг антологи цуврал гэж тодорхойлно. Ихэвчлэн анги бүр нь өөр өөр үйл явдал харуулж өөр өөр жүжигчид тоглосон байдаг ч зарим цуврал улирал /season/ улирлаараа өөр байх нь бий. Кино бүтээгчид нь сэдэв болоод өөр өөрсдийн шийдэл санаа утга агуулгын онцлогоороо эдгээр салангид хэсгүүдийг хооронд нь уяж нэгэн бүхэл цул болгодгоороо антологи цувралын онцлог оршино.

Монголчууд “Black Mirror”, “American horror story” зэрэг антологи цувралуудыг сайн мэднэ. Тэгвэл Монголд анх удаа антологи цуврал гарах гэж байгааг та мэдсэн үү?

Z.OE 41 Drama, Science-fiction, Mystery төрлийн шинэ цуврал.

Тус цувралыг OTZ Media-ын  залуу уран бүтээлчдийн баг хийсэн бөгөөд Монголын анхны антологи цуврал юм. Z.OE 41 цувралын таван ангит эхний улирал 12 сарын 25-нд буюу өнөөдөр нээлтээ хийх бөгөөд нийт 4 улирал 20 ангитай байхаар төлөвлөж буй аж.

Хүн өөрийн хүссэн зүүдээ зүүдлэх боломжийг бий болгосон Z.OE 41 гэх зүүдний төхөөрөмжөөр холбогдсон таван өөр түүх, үйл явдал, төрлийг багтааснаараа онцлог. Магадгүй бидэнд зүүдээ удирдаж болдог төхөөрөмж байсан бол хамгийн түрүүнд юу зүүдлэх байсан бэ?

Уг цувралд хүн төрөлхтний байгалийн өгөгдөл, авир араншин, мөн чанарын зарим хэсгийг шинээр программчилж биднийг огт анзаараагүй байхад хүсээгүй үр дагавруудад хөтөлж байгааг сонирхолтой бөгөөд бодит байдлаар харуулдаг.

Та нэгэн хэвийн үйл явдалтай кино үзэхээс залхсан бол энэхүү цувралыг үзэхийг зөвлөе. Монголын анхны антологи цуврал Z.OE 41-ын 1-р улирлын ангиуд 12 сарын 25-наас Univision, DDISH, LOOKTV видео санд цувралаар орж эхэлнэ.