Таван давхрын тагтнаас үсрэхийг завдсан эрийг буулгажээ

Тодруулбал Орхон аймгийн Баян-Өндөр сумын Бүрэнбүст багийн 19 дүгээр байр 5 дугаар давхраас хүн үсрэх гэж байна гэсэн дуудлага 2020.01.11-ний өдрийн 06:07 цагт Онцгой байдлын албанд иржээ.

Дуудлагын дагуу тус аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид 4 км замыг туулан 06:11 цагт очиж иргэн Б /37 настай, эрэгтэй/ 5 давхрын тагтан дээрээс 13 минут ажиллан эсэн мэнд аварч аймгийн цагдаагийн байгууллагад хүлээлгэн өгсөн байна.