Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.02.14/ хийлээ.

УОК-ын  хэвлэлийн төлөөлөгч Ц.Ганзориг:

-Засгийн газрын тогтоолд 14 салбарыг ажиллуулахаар тусгасан. Үүнд хүнсний үйлдвэрлэл, түгээлт, худалдааны салбар орно. Хөл хорионы 12 хоногийн хугацаанд хүнсний бүтээгдэхүүний хомсдол үүсгэхгүйн тулд хүнсний үйлдвэрлэлүүдийг нээх ёстой. Хоёрдугаар сарын 16-наас 24 хүнсний бөөний төв нээгдэнэ. Мөн 18,20,23-наас гэсэн шатлалаар 49 хүнсний бөөний төв нээгдэх юм. Хүнсний бүтээгдэхүүн түгээдэг 287 ААН нээгдэх ба тэдгээрийн 10-15 квоттой нийт 26 мянган хүн ажиллана. Хүнсний бөөний төвүүдээр  иргэд үйлчлүүлэх боломжгүй. Зөвхөн гэрийнхээ ойролцоо байх хүнсний дэлгүүрээс хүнсний бүтээгдэхүүн авна.

Мөн өнөөдрөөс эхлэн энэ салбарт ажиллах хүмүүсээс PCR шинжилгээ авна. Тодруулбал, 2 дугаар сарын 16-нд 24 зах бөөний төв, 597 хүнсний үйлдвэр нээгдэх учир шинжилгээнд хамрагдана. 

М.Насан