Оросын Нововоронеж хотод босгосон ч олны дургүйцлийг төрүүлэн тун удалгүй буулгасан Алёнка баримлыг дуудлага худалдаагаар заржээ. 

ТАСС агентлагийн мэдээлснээр Алёнка баримал дуудлага худалдаанд тавигдаж, анхны дуудах үнэ нь 1 сая рубль байсан бөгөөд 2.6 сая рубль (shuud.mn: монгол мөнгөөр 92.4 сая төгрөг)-ээр зарагджээ. 

Энэ хөшөөг 12 дугаар сарын 18-ны өдөр Нововоронеж хотод Новая Аленовка суурингийн 250 жилийн ойд зориулан босгожээ. Гэсэн ч энэ хөшөө оршин суугчдад таалагдаагүй, гутамшигт гэж үзсэн тул нутгийн иргэд хөшөөг буулгахыг шаардсан байна. 

Ингээд 12 дугаар сарын 21-ний өдөр нутгийн захиргаа хөшөөг буулгах шийдвэр гаргасан бөгөөд удалгүй энэ баримлыг дуудлага худалдаагаар зарахаар болсон талаар мэдээлж байв.