Цахим орчинд нэр бүхий шүүгч нарын дүрс бичлэг цацагдаж шүүмжлэл дагуулаад байна. Үүнтэй холбогдуулан өмгөөлөгч Д.Баттулга Тагнуулын Ерөнхий газарт гэмт хэргийн гомдол мэдээлэл гаргаж, мэдээлэл өгөв. 

Тэрбээр "Цахим орчинд 202102.20-ны өдөр БЗД-ийн нутаг дэвсгэрт байрлах нэгэн байрны орцны бичлэг цацагдсан. Тухайн бичлэгт нэр бүхий шүүгч нар болон төрийн байгууллагын эрх бүхий албан тушаалтнууд холбогдох хүмүүсийн хамт гарсан. Тэдгээр иргэнийг прокурорын зөвшөөрөлгүйгээр, цагдаагийн байгууллагаас болон албан тушаалтнууд тагнаж, чангасан байж болзошгүй үйлдэл харагдаж байна. Нэр бүхий эмэгтэйчүүд хууль зүйн туслалцаа авахаар хандсан.  Тиймээс энэ хэргийг шалгуулахаар өмгөөлөгч нарын зүгээс гомдол гаргаж байгаа юм.

Бидэнд хандсан үйлчлүүлэгч эмэгтэйчүүдийн өгч байгаа мэдээллээр амралтын өдрөөр, ажлын бус цагаар гэрээс нь баривчилж 10 гаруй цагийн тайлбар, мэдүүлэг авсан. Ингэхдээ эрүү, шүүлт тулгасан байж болзошгүй гэж үзээд Нийслэлийн прокурорын газар, Улсын Ерөнхий прокурорын газар, Цагдаагийн ерөнхий газрын тусгай субъектыг мөрдөн шалгах хэлтэст гомдол гаргаад байгаа. Орцны бичлэгээр зохион байгуулалттайгаар бусдын нэр хүндийг гутаан доромжилж байгаад харамсаж байна" гэлээ. 

Нэр бүхий шүүгчээс дүрс бичлэгт гарсан эмэгтэйчүүдийн данс руу мөнгө шилжсэн гэх асуудал яригдаж байгаа. Үүнд өмгөөлөгчийн зүгээс найзуудын хооронд өр, авлага, зээлийн асуудал байсан. Үүнтэй холбоотой гүйлгээ хийгдсэн. Түүнээс шүүгч нараас мөнгө шилжүүлсэн асуудал үгүй гэж тодотголоо.