УОК-ын хуралдаанаас гаргасан шийдвэрийн талаар мэдээлэл хийж байна. 

Шадар сайд С.Амарсайхан: 

-Бүх нийтийн хөл хорио тогтоохгүй. Шаардлагатай газруудад хэсэгчилсэн хязгаарлалт хийж одоогийн байгаа дэглэмээ мөрдөж ажиллана. Аж ахуй  нэгж, иргэд өөрсдөөс шалтгаалах бүхий л дэглэмээ сахиж, эрсдэлгүй орчин бүрдүүлэхэд анхаарч ажиллах хэрэгтэй.

Мөн вакцинжуулалт маргааш буюу гуравдугаар сарын 09-ний өдрөөс өргөн хүрээтэй эрчимжиж эхэлнэ. Нийт 85 цэгт өдөрт 16-20 мянган иргэнийг вакцинжуулна. Хоёр сарын хугацаанд нийслэлийн насанд хүрсэн иргэдийг дархлаажуулна. 

Халдвар хамгааллын дэглэм түүнд тавих хяналтыг сайжруулахад холбогдох байгууллагуудад зөвлөмж, зөвлөгөө өгөх, зохион байгуулалтад анхаарч ажиллах үүрэг даалгавар өглөө.