Улсын хэмжээнд өнөөдөр буюу 3 сарын 12-ноос эхлэн төрийн албаны ерөнхий шалгалтыг Төрийн албаны зөвлөл, 20 аймаг, нийслэлийн Тамгын газартай хамтран зохион байгуулж байна.

Төрийн албаны зөвлөлийн дарга Б.Баатарзориг, Нийслэлийн засаг дарга бөгөөд Улаанбаатар хотын захирагч Д.Сумьяабазар, Төрийн албаны зөвлөлийн гишүүд, ЗГХЭГ-ын Тэргүүн дэд дарга, Төрийн албаны шалгалтын төв комисс, аймаг, нийслэлийн салбар комиссын бүрэлдэхүүн танхим болон цахимаар оролцож, Төрийн албаны 2021 оны ерөнхий шалгалтын нээлтийн үйл ажиллагааг улсын хэмжээнд эхлүүллээ.