Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.03.14/ хийлээ. 

ХӨСҮТ-ийн Халдварт өвчний тандалт судалгааны албаны дарга Ж.Байгалмаа: 

-ХӨСҮТ-ийн хоёр лаборатори, ЗӨСҮТ-ийн лаборатори, НЭМҮТ,  Дархан-Уул, Сэлэнгэ аймгийн лаборатори, нийслэлийн Сонгинохайрхан, Хан-Уул  дүүргийн салбар лабораторид нийт 17894 хүнд шинжилгээ хийлээ. Үүнээс  128 хүний шинжилгээнд коронавирус илэрлээ. Ингэснээр манай улсын нийт батлагдсан тохиолдол 3961 боллоо. Шинэ батлагдсан тохиолдлуудын 122 тохиолдол нь ойрын хавьтал бол таван тохиолдлын эх халдварын эх уурхайг тогтоохоор ажиллаж байгаа. Мөн  Гуравдугаар сарын 04-ний Будапешт-Улаанбаатар чиглэлийн  онгоцоор ирсэн нэг хүнээс халдвар илэрсэн.  Хавьтлын эх уурхайг тогтоохоор ажиллаж буй хүмүүсийн оршин суугаа байршлыг танилцуулбал,

• Баянзүрх дүүргийн 5 дугаар хороо

• Сонгинохайрхан дүүргийн 7 дугаар хороо

• Чингэлтэй дүүргийн 4 дугаар хороо

• Сүхбаатар дүүргийн 11  дугаар хороонд тус тус байна. 

Сүүлийн 24 цагийн хугацаанд 46 хүн эдгэрсэн байна. Ингэснээр нийт эдгэрсэн хүний тоо 3001  боллоо. Өнөөдрийн байдлаар 943 хүн эмчилгээнд байгаа. Биеийн байдлыг үнэлбэл, 872 хүн хөнгөн, хүндэвтэр 63, хүнд 6, маш хүнд 2 хүн байгаа.

М.Насан