Ардчилсан намаас хамтарсан Засгийн газарт ажиллаж байсан Засгийн газрын тэргүүн шадар сайд Н.Алтанхуяг, Сангийн сайд С.Баярцогт, Байгаль орчин, аялал жуулчлалын сайд Л.Гансүх, Эрүүл мэндийн сайд С.Ламбаа, Зам тээвэр, барилга, хот байгуулалтын сайд Х.Баттулга, Батлан хамгаалахын сайд Л.Болд нарыг үүрэгт ажлаас нь чөлөөлөх тухай УИХ-ын тогтоолын төсөлтэй холбогдуулан Төрийн байгуулалтын байнгын хорооны дарга Ж.Сүхбаатарт танилцуулсан юм. Өчидөр өргөн мэдүүлсэн УИХ-ын тогтоолын төслийг нэгдүгэрэ сарын 20-ны өдөр хэлэлцээд үүрэгт ажлаас нь чөлөөлөхийг байнгын хорооны гишүүдийн олонхи дэмжсэн тухайгаа танилцуулсан юм.
Э.Бат-Үүл: Би байнгын хороон дээр цөөнх болсон үндсэн хуулийн 32 дугаар зүйлд сонгуулийн дүнгээр олонхи бослон нам Ерөнхий сайдаа нэр дэвшүүлж томилуулна. Аль нам нь олонхи болоогүй бол бусад намуудтай зөвшилцөж хамтарч Засгийн газраа байгуулж болно гэж заасан байгаа. МАН олонхи болсон атлаа АН-ыг хамтарч ажиллах санал тавьж гэрээ байгуулан Хамтарсан Засгийн газраа байгуулсан. Хамтарсан Засгийн гараас нэг нь гарсан бол гэрээний дагуу Засгийн газар бүрэн бүрэлдэхүүнээрээ огцрох ёстой. Үндсэн хуультайгаа нийцүүлж яриачээ. Одоо олонхи Засийн газраа байгуулж Ерөнхий сайдаа томилох ёстой. Үүний эсэргүүцэж байгаа илэрхийлж би цөөнх болж байна.
Ж.Сүхбаатар: Байнгын хороон дээр Э.Бат-Үүл гишүүн энэ асуудлыг тавьсан. Ерөнхий сайд Ерөнхийлөгчид асуудлаа танилцуулж зөвшилцсөн. Тэгэхээр Үндсэн хууль, хуулийн дагуу асуудлыг шийдүүлэхээр оруулж ирсэн.
Д.Тэрбишдагва: Хамтарсан Засгийн газрын үйл ажилагааг анхнаас нь өнөөдрийг хүртэл буруу зөрүүг нь ярьж байгаа хүн, би. Явдаг зарчмаараа явж байна. АН-ын ҮЗХ-ны хурал дээр З.Энхболд гишүүн сайд нараа нэг бүрчлэн зогсоож байгаад тайлбар авсан. Хамтарч 3,6 жил болчихоод олонхийн шаардлагаар ажилласан. Олон зүйл хийгээгүй гэдгээ хүлээн зөвшөөрсөн сайдуудыг ҮЗХ-ны хуралдаан дээр нэг гишүүн асууж болж байгаа бол сайдуудыг нэг бүрчлэн асууя.
С.Эрдэнэ: Стандарт бус Засгийн газар хууль бусаар байгуулагдчихаад стандарт бусаар задарч байна. Илэн далагуй хэлэхэд хамтарсан нэрийн дор хариуцлагагүй, хуйвалддаг зарчмаар явж ирсэн. Үүнийг Засгийн газрын тэргүүн хүлээн зөвшөөрч байна уу. АН-ын сайд нарын ажлыг Засгийн газар хэр дэмжиж байсан бэ?
-С.Батболд: Хамтарсан Засгийн газрын үйл ажиллагаа 82 хувийн биелэлттэй байгаа. Салбар болгон өөр өөрсдийн тайланг хийсэн. Эрүүл мэндийн салбарын мөрийн хөтөлбөр 91 хувьтай байна. Энэ мэтчилэн тайлан бэлтгэсэн байгаа. Хамтарсан Засийн газар чамгүй ажилласан. Дэлхийн эдийн засгийн хямралыг давж чадсан, зуд турхан давсан, эдийн засгийн өсөлт нэмгдсэн. Эдийн засаг хямралын процесс дуусаагүй, давалгаа орж ирж байгааг мэргэжилтнүүд хүлээн зөвшөөрсөн. Тиймээс амаргүй сорилт хүлээж байгаа. Засгийн газар хариуцлагатай явна. Бид хийнэ, эдийн засаг, улстөрийн хувьд хариуцлагатай ажиллана. Улстөрийн хувьд тогтвортой явж ирсэн. Одоо харин улстөрийн сонгууль шоунаас улс орны тогтвортой байдал чухал шүү.
Л.Гансүх: УИХ-ын гишүүдэд манай яамнаас 2008-2010 он хүртэлх яамныхаа тайланг гаргаж тараасан. Тэр тайланд 84 хувийн биелэлттэй байсан. Одоо 90 хувьд дөхөж яваа. 2008-2012 онд тавьсан мөрийн хөтөлбөрийн зорилт хангалттай биелэсэн гэж хэлмээр байна.
С.Баярцогт: Өнгрсөн хугацааны ажилдаа сэтгэл хангалуун байна. Монгол Улс эдийн засгийн эрх чөлөөгөө эрс сайжруулсан 10 орны нэг болсон байна. Төсвийн тогтвортой байдлын тухай хууль баталсан, орон нутагт эрх мэдлийг шилжүүлсэн, ил тод байдлынхаа индексыг сайжруулсан. Интернэтээр иргэн бүр төсвийн ил тод байлыг хардаг болсон.
С.Эрдэнэ: Эдийн засаг өссөн гэж гоё сайхан үгээ болиоч. Иргэний, айлын гэрт орж байгаа өсөлтийг харахгүй байна.
Ө.Энхтүвшин: Улс орны байдал хүнд, үнийн өсөлт их байхад нэг ярьсан зүйлээ давтаж байхаар одоо шууд саналаа хурааж Засгийн газраа ажиллуулъя гэсэн санал тавъя гэсэн горимын санал гаргалаа. Уг саналын дагуу санал хураалт явуулсан ч гишүүд хүлээж авсангүй. Ингээд үдээс хойш 15 цагаас чуулганы хуралдааныг үргэлжлүүлэхээр болж завсарлалаа.
СЭТГЭГДЭЛ БИЧИХ