Говьсүмбэр аймгийн Баянтал сумын Их-Уул багийн “Шилийн тээг” гэдэг газар 2021.03.23-ны өдрийн 22:47 цагт 5.5 магнитудын хүчтэй газар хөдлөлт боллоо. Газар хөдлөлтийн чичирхийлэл Улаанбаатар хот болон Булган, Дархан-Уул, Дундговь, Төв, Хэнтий аймгийн иргэдэд мэдрэгдэж олон нийт түгшүүрт автав.

Газар хөдлөлтийн балл, магнитудын хэмжигдэхүүнүүдийн талаар ШУА-ийн Одон орон, геофизикийн хүрээлэнгээс мэдээлэл өглөө.

VII балл 6.0 магнитуд: Чулуун барилгын хананд ан цав үүснэ

 

VIII балл 6.0-7.0 магнитуд: Газрын хөрсөнд хагарал үүснэ. Хөшөөнүүд унана. Барилга байшин гэмтэнэ.

 

IX балл 7.0 магнитуд: Тоосгон хана болон зарим барилга нурна. Худгийн усны түвшин өөрчлөгдөнө. Нуралт гулсалт үүснэ. Барилгын суурь суларч газар доорх хоолой эвдэрнэ.

 

X балл 7.0-8.0 магнитуд: Гүүр байшин, барилгын суурь ус зайлуулах хоолой эвдэрч, хашлага далан сэтэрнэ. Газар дээр нурал ангал үүсэж гол нуурын ус эргээсээ халина.

 

XI 8.0 магнитуд: Бараг бүх чулуун байгууламж эвдэрнэ. Хөрсний шилжилт үүснэ.

 

XII 8.0 түүнээс дээш магнитуд: Бүх зүйл эвдэрч сүйрнэ. Голын голдрил өөрчлөгдөн газар хөдлөлтийн долгионууд газар дээр харагдаж хүнд жинтэй юмс агаарт шидэгдэнэ.

 

Монгол оронд 8 ба түүнээс дээш магнитудтай газар хөдлөлт дөрвөн удаа болжээ. Харин магнитуд нь 6-аас дээш хөдлөлт 20 гаруй удаа бүртгэгдсэн байна. Говь-Алтай аймагт өчигдөр болсон газар хөдлөлтийн голомтын бүст өнгөрөгч 2020 оны гуравдугаар сарын 20-нд 5.8 магнитудын хүчтэй газар хөдлөлт болж байжээ.

Улаанбаатар хотод 2010-2020 онд магнитут нь 4 бас түүнээс дээш  магнитудтай газар хөдлөлт 20 гаруй удаа бүртгэгдэж нийт 15000 орчим чичирхийлэл болжээ.

Г.Сүрэн