Засгийн газрын ээлжит хуралдаанаар гарсан шийдвэрийг танилцууллаа. 

Шадар сайд С.Амарсайхан: 

-Засгийн газрын хуралдаанаар "Улбар шар" түвшиндээ хэвээр, зарим салбарын үйл ажиллагааг хязгаарлах зохицуулалт авч хэрэгжүүлэх замаар дөрөвдүгээр сарын 03-наас 14 хоногийн хугацаатай арга хэмжээнүүдийг авч хэрэгжүүлнэ. 3асгийн газар, УОК-оос иргэдийн эрүүл мэндийг хамгаалах, эдийн засгаа унагаахгүй байх талаас бүх талын эрсдэлийн үнэлгээ хийж, тооцож ажиллаж байгаа.

Төрийн байгууллагууд төдийгүй ААН-үүд аль болох цахимаар, биечлэн ажилласан тохиолдолд 30-аас дээшгүй хувиар ажиллах зохион байгуулалтыг хийх хэрэгтэй. Мөн 14 хоногийн хугацаанд эрсдэлийн үнэлгээ хийж явна. Үүнд тулгуурлаж цаашид ямар арга хэмжээ авах, ямар зохицуулалт хийхээ тодорхойлно. Нөхцөл байдал амаргүй байна. Гэхдээ авч хэрэгжүүлж байгаа бодлого, шийдвэрүүд иргэдийн оролцоотойгоор үр дүнгээ өгнө.

Тавдугаар сарын 01-ний дотор нийслэлийн нийт насанд хүрсэн хүн амынхаа вакцинжуулалтын эхний 1 сая тунг хийж дуусна. Долоодугаар сарын 01 хүртэл орон нутгийн иргэд гээд бүх салбарт вакцинжуулалт хийнэ. 

Энэ хугацаанд зам, дэд бүтэц бусад салбарын бүтээн байгуулалтын ажил зогсохгүй. Тиймээс шат шатандаа хэрэгжүүлж, зохицуулалт хийж ажиллана. 

М.Насан