Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.04.25/ хийлээ. 

ЭМЯ-ны Хэвлэлийн төлөөлөгч Б.Ууганбаяр: 

-Сүүлийн 24 цагийн хугацаанд 1264  хүнд коронавирус илрэв. Ингэснээр манай улсын нийт батлагдсан тохиолдол 30 483  боллоо. Шинээр батлагдсан тохиолдлын  1127 нь Улаанбаатар хотод, 137 нь орон нутагт  байна. Мөн сүүлийн 24 цагийн хугацаанд 658 хүн эдгэрч, эмнэлгээс гарсан.  Тодруулбал,  Увс аймагт 1, Дархан-Уулд 24, Орхонд 9, Төв аймагт 40, Хэнтийд 1, Говьсүмбэрт 1, Дорнод 5, Дундговьд 4, Өвөрхангайд 3, Архангайд 8, Булганд 4, Ховдод 12, Завханд 20 тохиолдол тус тус бүртгэгджээ. 

Ингэснээр нийт эдгэрсэн хүний тоо 15 403 болж байна. Харамсалтай мэдээ. Коронавирусийн халдварын улмаас дөрвөн хүн нас барлаа. Ингэснээр халдварын улмаас нийт нас барсан хүний тоо 86 болж байна. Тухайлбал, 57, 68, 70 настай эмэгтэй, 66 настай эрэгтэй хүн байгаа. 

Өнөөдрийн байдлаар 4457  хүн эмчилгээнд байгаа. Биеийн байдлыг үнэлбэл, 2562  хүн хөнгөн, 1456 хүндэвтэр , хүнд 359 , маш хүнд 81 хүн байна. 

М.Насан