ХӨСҮТ-ийн “ Хүчилтөрөгч дамжуулах төв”-ийн туршилтыг энэ долоо хоногт хийх аж. Хүчилтөрөгчийн үйлдвэр ашиглалтад орсноор өндөр даралттай баллон зөөвөрлөхгүй, газар доогуурх сүлжээгээр дамжуулан сэхээн амьдруулах,эрчимт эмчилгээний тасаг болон ковидын эмчилгээний өрөөнүүдэд хананы холбоосоор хүчилтөрөгчийг шууд дамжуулах нөхцөл бүрдэнэ. Өөрөөр хэлбэл хүчилтөрөгчийн дутагдалд орохгүй байх боломжтой болох аж.

Тус үйлдвэр нь Герман улсын технологиор цагт нам даралтын (0,5 мРа) хүчилтөрөгчийг 40м3 үйлдвэрлэхээс гадна өндөр даралтын (150мРа) баллоныг цагт 3-4 ширхэг хүчилтөрөгчөөр цэнэглэх өндөр хүчин чадалтай. Одоогийн байдлаар тус үйлдвэрийн барилгын ажил бүрэн дууссан бөгөөд цахилгаан болон хийн холболтуудыг угсарч байна.

Одоогоор ХӨСҮТ-ийн хүчилтөрөгч дамжуулах төв нь өдөрт өндөр даралтын 100 ширхэг баллон буюу 600м3 хүчилтөрөгч нийлүүлж, ханган нийлүүлэлт тасалддаг, өндөр даралттай баллон зөөвөрлөдөг хүндрэлтэй байгаа аж.