АН-ын дарга М.Тулгат, Ерөнхий нарийн бичгийн дарга Ч.Өнөрбаяр нар цаг үеийн асуудлаар мэдээлэл хийлээ. АН-ын дарга М.Тулгат: 

-Нэг жилийн хугацаанд хөл хорио тогтоож, цар тахалд бэлдэж байсан нь туйлын хангалтгүй болох нь тодорхой болж байна. Цар тахлын үеэр зарцуулсан 5.1 их наяд, гаднын тусламжийн 659 сая ам.долларын зарцуулалт одоог хүртэл шилэн биш байна. Манай улс 2020 оны төсөвт тодотгол хийхгүй явсаар байгаад цаг үеийн нөхцөлд тохироогүй ашиггүй зардал их гаргасан. 2021 оны эхний саруудад энэ байдлаар давтагдсаар байна. 10 их наядын төлөвлөгөө нь социализм руу ухрах, хувийн байгууллагуудыг хязгаарлах, сонгогчдын саналыг худалдаж авахад чиглэж байна. Улсын нийт гадаад өр 32.2 тэрбум ам.доллар болж өссөн байгаа нь өмнөх улирлаас өссөн байдалтай байна. Засгийн газрын хэрэгжүүлж байгаа маш олон төсөл хөтөлбөр зогссон гэлээ. АН-ын тамганы асуудал маргаантай байгаа. Тэрбээр энэ талаар:

-Нам гэдэг бол зөвхөн гэрчилгээ, тамга биш. Итгэл үнэмшилтэй хамтын оролцоо. Зөвхөн дарга гэж бичигдсэнээр биш хүлээн зөвшөөрөгдсөнөөр лидер болдог. Бид нийгэмд хүлээн зөвшөөрөгдөхийн тулд бүх талаар хичээж ажиллана гэв. 

Н.Нягт