Олимпийн аварга Н.Түвшинбаяр өнгөрсөн сарын 02-ны өдөр согтууруулах ундаа хэрэглэсэн үедээ Улсын начин Э.Энхбатыг тодорхойгүй шалтгаанаар зодож хүнд гэмтэл учруулсан. 

Иймд Хан-Уул дүүргийн Эрүүгийн хэргийн анхан шатны шүүхээс Н.Түвшинбаярыг дөрөвдүгээр сарын 05-ны өдрөөс эхлэн Шүүхийн шийдвэр гүйцэтгэх Ерөнхий газрын харьяа 461 дүгээр ангид цагдан хорихоор шийдвэрлэсэн.  Тэгвэл түүнийг цагдан хорих хугацаа өнөөдөр дуусч  байгаа аж. Үргэлжлүүлэн цагдан хорих эсэхийг шүүх шийднэ. Харин Улсын начин Э.Энхбат одоогоор БНСУ-д эмчлүүлж байгаа юм.

М.Насан