Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.05.25/ хийлээ. Хэвлэлийн хуралд ЭМЯ-ны салбар зөвлөлийн гишүүн, Өргөө амаржих газрын дарга Ж.Энхцэцэг оролцож, жирэмсэн эмэгтэйчүүдэд вакцин хийх тухай эсэх асуудлын талаар мэдээлэл өглөө.

ЭМЯ-ны салбар зөвлөлийн гишүүн, Өргөө амаржих газрын дарга Ж.Энхцэцэг:

-Жирэмсэн эхийг  сайн дурын үндсэн дээр дархлаажуулна. Жирэмсэн, хөхүүл эмэгтэйчүүдийг халдварын эсрэг дархлаажууулалтад тодорхой заалтын дагуу хамруулна.  Уг заалтыг эрүүл мэндийн ажилтан гаргадаг. Тухайлбал,

• Өндөр эрсдэл бүхий эрүүл мэндийн суурь, эмгэгтэй, бөгөөд коронавирусийн халдвартай тохиолдолд маш хүндээр өвчлөх эрсдэлтэй жирэмсэн эмэгтэйчүүд.

• Жирэмсэн эмэгтэй нь коронавирусийн халдварт өртөх эрсдэлтэй нөхцөлд ажиллаж байгаа бол

• Биеийн жингийн илүүдэлтэй жирэмсэн эхчүүд

• Ахимаг настай/35-аас дээш насны/

• Жирэмсэн үеийн чихрийн шижинтэй эмэгтэйчүүд

Дархлаажуулалтыг хийх жирэмсний хугацаа:

• Жирэмсний 14 долоо хоногоос 36 долоо хоногийн хооронд хийнэ.

• Эхний тун: 14 долоо хоногоос дээш хугацаанд

• Хоёр дахь тун: 36 долоо хоногоос өмнө хийсэн байна.

• Хоёр дахь тунг 36 долоо хоногоос өмнө авч чадаагүй бол төрсний дараа 42 хоногоос хойш хийнэ. 

• Жирэмсний 36-40 долоо хоногийн хооронд халдварын эсрэг вакцин хийхгүй.

Жирэмсэн үед ямар вакцин хийж болохгүй вэ?

• Astra Zeneca

• Sputnik вакциныг хийхгүй  

Төрсний дараах вакцинжуулалт:

• Төрсний дараа коронавирусийн халдварын эсрэг вакциныг төрснөөс хойш 42 хоногийн дараа хийнэ.

• Төрсний дараах 42 хоног нь өнгөрсөн хөхүүл эхчүүд, коронавирусийн халдварын эсрэг вакцин хөхүүл биш эмэгтэйчүүдтэй адил хийлгэж болно

Дархлаажуулалт хийхээс өмнөх үзлэг: 

• Жирэмсэн эхэд дархлаажуулалт хийхээс өмнөх үзлэг жирэмсэн бус эмэгтэйчүүдтэй адил хийнэ.

• Дархлаажуулалт хийхээс өмнө жирэмсэн эмэгтэйн даралтыг заавал хоёр гарт хийнэ тэмдэглэнэ

М.Насан