АНУ-ын Калифорни мужийн Сан-Хосе хот дахь төмөр замын депогийн ойролцоо галт зэвсэгтэй этгээд найман хүний аминд хүрсэн талаар Ройтерс мэдээлжээ. 

Санта-Клара тойргийн орлогч шериф Рассел Дэвис хэвлэлийн бага хурлын үеэр найман хүн, тэр дундаа тээврийн удирдлагын ажилтнууд амиа алдсан гэдгийг баталсан байна. Саперчдын баг хэргийн газрыг самнан, нэг тэсрэх бөмбөг илрүүлжээ.

Галт зэвсэг ашигласан хэрэг тээврийн хэрэгслийн засвар үйлчилгээ хийдэг газарт болсон байна. Цагдаагийнхны мэдээлснээр, энэ хэргийг 57 настай Сэмьюэл Кэссиди гэгч үйлдсэн байна. Тэрбээр тээврийн удирдах газарт ажилладаг байсан бөгөөд түүний гарт энэ газрын ажилтнууд амиа алджээ.

Одоогоор хэрэг үйлдэх болсон шалтгаан нь тодорхойгүй. Тэрбээр найман хүнийг хөнөөж, нэг хүнийг шархдуулсаныхаа дараа амиа егүүтгэжээ.

Г.Бямбасүрэн