Ерөнхий сайд Л.Оюун-Эрдэнэ Баянгол дүүрэгт ажиллах үеэрээ Гандангийн гудамжны нөхцөл байдалтай танилцлаа. Гандангийн дэнжид 800 хашаанд 1700 гаруй өрх айл оршин амьдардаг байна. 

Ерөнхий сайд Л.Оюун-Эрдэнэ “Гандангийн дэнжид өндөр байшин барьж, хороолол болгож болохгүй. Зураг төслөө танилцуул, хоёр долоо хоногийн дотор Засгийн газрын хуралдаанд оруул. Дэд бүтцийн асуудлыг нь үе шаттай шийдье” гэсэн чиглэлийг холбогдох албаныханд өглөө. Мөн Гандангийн ерөнхий хэв маягийг алдагдуулахгүйгээр оршин суугаа иргэдийн оролцоонд тулгуурласан байх ёстойг санууллаа.

Азийн хөгжлийн банк болон бусад донор байгууллагуудтай ярилцаж, аялал жуулчлалын дараагийн төслийг Баянгол дүүрэгт хэрэгжүүлэх боломжтойг Засгийн газрын тэргүүн хэллээ.

В.Бат