Ерөнхийлөгчийн сонгуульд нэр дэвшигч Д.Энхбат коронавирусийн халдвар авч, тусгаарлагдаж буй. Түүний өрсөлдөгч У.Хүрэлсүх халдвар авсанд санаа зовж буйгаа илэрхийлсэн бол АН-аас нэр дэвшигч С.Эрдэнэ хурдан эдгэхийг хүсчээ.

С.Эрдэнэ "Монголчууд хариуцлагагүй төрийн уршгаар олон арваараа ковид цар тахлаар өвчилж байна! Монгол Улсын Ерөнхийлөгчийн сонгуульд нэр дэвшин өрсөлдөж буй Д.Энхбат бас ковидоор өвчилсөн таагүй харамсалтай мэдээг хүлээн авлаа! Өрсөлдөгч Д.Энхбатад хурдан эдгэж өрсөлдөөндөө эргэн орохыг хүсье" хэмээн цахим хуудсанаа бичжээ.