Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.06.11/ хийлээ. 

ЭМЯ-ны Хэвлэлийн төлөөлөгч Б.Ууганбаяр: 

-Сүүлийн 24 цагийн хугацаанд 10653 сорьцод шинжилгээ хийснээс 1622 хүнд коронавирус илрэв. Ингэснээр манай улсын нийт батлагдсан тохиолдол 72 104  боллоо. Шинээр батлагдсан тохиолдлын 1100 нь Улаанбаатар хотод, 491 нь орон нутагт, нэг нь эмнэлгээс шалтгаалах халдвар, 30 нь зөөвөрлөгдсөн  байна. Тодруулбал, Орхонд 63, Дархан-Уул 18, Хөвсгөл 13, Сэлэнгэд 9, Хэнтийд 47, Дорнод 3, Төвд 34, Сүхбаатарт 38, Дундговь 31, Өвөрхангайд 26, Булган 14, Архангайд 25, Баянхонгорт 47, Говьсүмбэр 11,  Говь-Алтай 77, Ховд 15, Увс 14, Баян-Өлгий 3, Завханд 3  тохиолдол  тус тус бүртгэгджээ. Зөөвөрлөгдсөн 30 тохиолдол нь зургаадугаар сарын 4-ний өдөр Афганистанаас ирсэн иргэдээс илэрсэн. 

Мөн сүүлийн 24 цагийн хугацаанд 684  хүн эдгэрлээ Ингэснээр нийт эдгэрсэн хүний тоо 56 253 болж байна. Коронавирусийн халдварын улмаас 8 хүн нас барлаа. Ингэснээр халдварын улмаас нийт нас барсан хүний тоо 342 болж байна.  

Өнөөдрийн байдлаар 7498  хүн эмчилгээнд байгаа. Биеийн байдлыг үнэлбэл, 4725  хүн хөнгөн, 2012 хүндэвтэр , хүнд 623, маш хүнд 138 хүн байна. 

Г.Мичид