АН-аас цаг үеийн асуудлаар мэдээлэл хийж байна.

АН-ын экс дарга С.Эрдэнэ: 

-Цар тахлын халдвараар нас барсан иргэд 500 гаруй даваад явлаа. АН-ын зүгээс нөхцөл байдалд дүгнэлт хийж, шаардлага, саналыг УИХ, Засгийн газарт хүргүүлэхээр боллоо. Цар тахалтай холбоотой шийдвэрлэхэд нэн тэргүүнд тулгамдаж байгаа асуудал юу байна гэдэг дээр судалгаа хийлээ. Эмнэлэг, эмнэлгийн норм, тоног, төхөөрөмжийн талаар судалгаа хийлээ гэв. 

АН-ын Хууль эрхзүйн байдал хариуцсан нарийн бичгийн дарга О.Баасанхүү:

-Монгол Улсад цар тахал өвчнөөр 109 мянган хүн өвдөж, нас баралт 537-д хүрсэн байна. Харамсалтай нь энэ тоо өдөр бүр өссөөр байгаа хар мэдээ дуулгаж байгаад хүлцэл өчиж, нийт нас барсан иргэдийн ар гэрт гүн эмгэнэл илэрхийлж байна. Цар тахалтай тэмцэх нь төр, засгийн удирдлагуудын үүрэг байгаа. Гэвч одоогийн төр засаг нь аюулт цар тахалтай хийсэн тэмцэлдээ ялагдал хүлээж, Үндэсний аюулгүй байдалд ноцтой хохирол нүүрлээд байна. Өнөөгийн эрх баригчид үндэсний аюулгүй байдалд ноцтой хохирол учрууллаа. 

Н.Нягт