Жил бүрийн үндэсний баяр наадмын хурдан морины уралдаанд монгол морьдыг эрлийз адуутай хамт уралдуулна, уралдуулахгүй гэсэн маргаан үүсдэг. Тэгвэл энэ маргааныг таслах эрхийг УИХ-ын гишүүн Н.Ганибал авахыг хүсчээ. Тэрбээр энэ тухайгаа Байгаль орчин, хүнс хөдөө аж ахуйн байнгын хорооны дарга Х.Болорчулуунд өчигдөр албан хүсэлтээр хүргүүлжээ. Тус хүсэлтэд байнгын хорооны дэргэд хурдан морины үүлдэр угсааг тодорхойлох, шүдлэх ажлын хэсэг байгуулж, ахлагчаар нь өөрөө ажиллахыг хүсчээ. Мөн ажлын хэсэгт АН-ын бүлгийн гишүүн Ш.Адьшаа, Ц.Туваан нарыг оруулах саналаа илэрхийлсэн байна.