Хүннү Эйр ХХК-ийн 06 дугаар сарын 30-ны өдрийн Алматы-Улаанбаатар чиглэлийн нислэгийн зорчигч 23 настай Г-ийн бие нислэгийн явцад таталт өгч мууджээ. Агаарын хөлгийн дарга хамгийн ойрын нисэх буудалд газардаж, зорчигчид эмнэлгийн яаралтай түргэн тусламж үзүүлэх шийдвэр гаргажээ. Ингээд Хөвсгөл аймгийн Мөрөн нисэх буудалд газардаж, зорчигчид яаралтай түргэн тусламжийн үйлчилгээ үзүүлж, амь насыг нь аварсан байна.