Аялал жуулчлалынхан эсэргүүцлээ илэрхийллээ. 

Иргэд: 

-"Олон удаагийн хөл хорионоос шалтгаалж, цаашид үйл ажиллагаа явуулах боломжгүй болж байна. Засгийн газраас гаргаж буй шийдвэр нь аялал жуулчлал, зоогийн газар, амралтын баазуудыг дахин үйл ажиллагаа явуулах боломжгүй болгож байгаа. Дотоодын аялал жуулчлал хөгжүүлэх хүсэл эрмэлзэлтэй. Гэтэл үүнийг хааж боогдуулж байна. Аялал жуулчлалын ажилтнууд, тэдний ар гэрийнхэн ажил хийж мөнгө олж амьдрах ямар ч боломжгүй болж байна. Ажиллаж, амьдрах эрх чөлөөг нь хаагдуулж байгаа. Хөл хорио тогтоохоос илүү халдвар хамгааллын дэглэмээ баримталж, иргэн бүр хариуцлагатай байж, ажиллаж, амьдрах боломжийг маань нээж өгөхийг хүсэж байна. Мөн наадам хийхээ болих хэрэгтэй. Наадам хийх мөнгөөрөө амьсгалын аппарат авмаар байна. Хүргэлтээр үйлчлэх нь ажиллахгүй байгаатай ижил. Иргэдийнхээ хөдөлгөөнийг хориглочхоод наадам хийж байгаа нь шударга бус байна. PCR шинжилгээг үнэгүй болгомоор байна. 

-Наадмыг эсэргүүцэж байна. Өдөрт хэдэн зуу, мянгаараа үхэж байхад ийм тэнэг үйлдэл хийхгүй. Хэрэв би Ерөнхийлөгч, Ерөнхий сайд байсан бол ийм тэнэг үйлдэл хийхгүй. Би 20 ажилтантай байсан. Одоо 7-8 хүн л ажиллаж байгаа. Тэдгээр хүмүүсийг авч явахад хэцүү болж байна" гэлээ.