Коронавирусийн халдварын батлагдсан тохиолдлын ойрын хавьтлуудаас ПСР шинжилгээ авахгүй байгааг бид мэдээлсэн. Мөн өмнө нь ПСР шинжилгээ өгсөн иргэд хариугаа авч чадахгүй, халдвар авсан эсэхээ баталгаажуулж чадахгүй байна. Тэгвэл энэ асуудлын шалтгаан тодорхой болжээ. Гэрэгэ Системс ХХК төлбөрийн асуудлаас үүдэн ЭРҮҮЛМН системийг хааснаа нийслэлийн Эрүүл мэндийн газрын дарга Б.Бямбадоржид мэдэгджээ. Тус компаниас ОБЕГ-т төлбөрийн талаар удаа дараа сануулж, мэдэгдсэн ч 04, 05 дугаар сарын төлбөрийг өнөөг хүртэл төлөөгүй байгаа аж. Тиймээс тус компанийн системийг хаах хүртэл арга хэмжээ авчээ.

Төрийн энэ дампуурлаас болж, өчнөөн олон иргэн хохирч байна. Нэг хэсэг нь халдварын шинжилгээ өгч чадахгүй байхад нөгөө хэсэг нь шинжилгээнийхээ хариуг авч чадахгүй бие сэтгэлийн зовлонтой байна.