Коронавирус цар тахлын энэ үед иргэд шинжилгээ өгөх цаг болон шинжилгээний хариугаа авдаг Eruul.gerege.mn систем төлбөрийн асуудлаас үүдэн ажиллахгүй болсон талаар өмнө бид мэдээлсэн. Тодруулбал, Гэрэгэ Системс ХХК төлбөрийг төлж барагдуулах албан бичгийг нийслэлийн Эрүүл мэндийн газрын дарга Б.Бямбадоржид хүргүүлжээ.Уг албан бичигтээ ОБЕГ-т төлбөрийн талаар удаа дараа сануулж, мэдэгдсэн талаараа дурдсан байна. 

Тэгвэл ямар шалтгааны улмаас системийн төлбөрийг төлөөгүй, хэзээ төлж барагдуулах талаар Онцгой байдлын Ерөнхий газрын хэвлэл мэдээллийн албанаас тодруулахад "Систем ажиллахгүй болсон талаар санхүүгийн албанаас тодруулсан. Системийн санхүүжилт орж ирсэн. Өнөөдөртөө багтаад системийн төлбөрийг шилжүүлэхээр ажиллаж байна" гэж мэдээллээ. 

 

М.Насан