УОК-ын хуралдаанаас гарсан шийдвэрийн танилцууллаа. 

Хууль зүй, дотоод хэргийн сайд Х.Нямбаатар "Өнөөдөр УОК хуралдсан. Хуралдааны шийдвэр гарлаа. Үндэсний их баяр наадмыг хойшлуулах саналыг Засгийн газрын хуралдаанд оруулахаар Улсын Онцгой комиссоос шийдвэрлэлээ. Засгийн газар, Үндэсний баяр наадмыг зохион байгуулах хороо долдугаар сарын 01-ний өдрийг хүртэлх хугацаанд эрсдэлийн үнэлгээ хийсэн. УОК-д давхар танилцуулсан. Эрүүл мэндийн яам болон бусад холбогдох мэргэжлийн байгууллагууд, эрдэмтэн судлаачид энэ удаагийн баяр наадмыг хойшлуулах нь цар тахлыг давлагааг багасгах боломжтой гэх дүгнэлтийг гаргасан. Энэ хүрээнд УОК Ардын хувьсгалын 100 жилийн ойг хойшлуулах шийдвэр гаргаж, маргаашийн Засгийн газрын ээлжит бус хуралдаанаар уг асуудлыг шийдвэрлүүлэх санал хүргүүлсэн. Засгийн газрын ээлжит бус хуралдаан маргааш өглөө 09:00 цагт эхэлнэ. Уг хуралдаанаар эцэслэн шийдвэрлэнэ" гэв.  

УОК-ын хэвлэлийн төлөөлөгч Ц.Ганзориг: "Халдварын нөхцөл байдал хүнд хэвээр байвал наадмыг цуцлах буюу өнжих эсвэл хойшлуулах саналыг Засгийн газрын хуралдаанаар оруулна гэж мэдээлж байсан. Үүний дагуу ЭМЯ эрсдэлийн үнэлгээг цаг тухайд нь хийж байсан.  Наадмыг өнжих, цуцлах, хойшлуулах, гадаадаас ирж байгаа иргэдийг 14 хоног тусгаарлах асуудлыг хэлэлцсэн.  Дельта хувилбар манай улсад ороод ирсэн юм биш биз гэсэн асуудал яригдаж байна. Өнөөдрийн судалгаа шинжилгээний дүнд Монголд альфа хувилбар байна" гэж мэдээллээ. 

М.Насан