УИХ-ын чуулганы нэгдсэн хуралдаан үргэлжилж байна. Хуралдаанаар Монгол Улсын нийслэл Улаанбаатар хотын эрх зүйн байдлын тухай хуулийн шинэчилсэн найруулгын төслийн эцсийн хэлэлцүүлгийг хийж байна. Хуулийн төслийг УИХ-ын гишүүн Ц.Мөнхцэцэг танилцуулав. Хэлэлцэж байгаа асуудалтай холбогдуулан гишүүд асуулт тавьж, хариулт авч байна. 

УИХ-ын гишүүн Ш.Адьшаа: 

-Майдар хот болон дагуу хотуудын төлөвлөлт яаж тусгагдсан бэ?

УИХ-ын дарга Г.Занданшатар:

-Зарчмын зөрүүтэй саналуудад тусгаж өгсөн. 

Ингээд байнгын хорооноо гаргасан зарчмын зөрүүтэй саналаар санал хураалт явуулж дэмжив. Ингээд уг хуулийн төслийг эцэслэн батлах бэлтгэл хангуулахаар Төрийн байгуулалтын байнгын хороонд шилжүүлэв.

Н.Нягт