Цагдаагийн хэлтсийн мэдээллээр аймгийн хэмжээнд энэ оны эхний саруудад 221 гэмт хэрэг гарчээ. Энэ нь урьд оны мөн үетэй харьцуулахад 14 хэргээр буюу 6,8 хувь нэмэгдсэн байна. Нийт дүнгээр ингэж өссөнөөс дотор ашиглалын 15 хэрэг гарсан нь ноднингийн мөн үетэй харьцуулбал гурав дахин нэмэгдэж, албан тушаалын хэрэг гараагүй байсан бол энэ жил Булган, Сайхан суманд тус бүр нэг гарчээ. Мөн байгаль орчны эсрэг хэрэг 12-оор буюу 3,4 дахин, эд хөрөнгийг хулгайлсан хэрэг 11,8 хувь өссөн байна. Харин бусдын амь насыг санаатайгаар бүрэлгэх, танхай, хүчин, хөдөлгөөний аюулгүй байдал, иргэдийн эрх чөлөө, эрүүл мэндийн эсрэг хэрэг 12,5-66,7 хувь буурлаа. Сумдад гарсан хэргүүдийг авч үзвэл Хялагант тосгон, Хутаг-Өндөр, Бугат, Баяннуур, Дашинчилэн, Могод, Булган суманд буурсан, Сэлэнгэ суманд мөн үеийнхтэй адил хэмжээнд, бусад суманд нэмэгджээ.