• 2021-07-20

Б.Жавхлан: Оны эхний улиралд эдийн засаг 15 хувиар өссөн

img

 

Засгийн газрын хуралдаанаас гаргасан шийдвэрийн талаар мэдээлэл хийж байна. 

 

Сангийн сайд Б.Жавхлан:

 

-Засгийн газрын ээлжит хуралдаанд Эрүүл мэндээ хамгаалж, эдийн засгаа сэргээх 10 их наядын цогц хөтөлбөрийн биелэлт, гүйцэтгэлийг танилцууллаа. Өнгөрсөн долоо хоногийн байдлаар гурван сард эхэлсэн гурван төрлийн зээлийн хөтөлбөрөөр нийтдээ 3 их наяд 183,4 тэрбум төгрөгийн зээл олгогдсон байна. Ерөнхийдөө гүйцэтгэл 70 хувьтай байгаа. Төлөвлөгөөний хүрээнд олгогдож байгаа зээлийн эцсийн зорилго нь ажлын байрыг хамгаалах, эдийн засгаа дэмжих юм. Эдгээр хөтөлбөрүүдийн хүрээнд эдийн засаг нэгдүгээр улирлын байдлаар өнгөрсөн оныхтой харьцуулахад 15 хувиар өссөн байна. 2019 онтой харьцуулахад 3 хувийн цэвэр өсөлттэй байна. Оны эцсээр 6.5 хувийн эдийн засгийн өсөлтөд хүрч чадна.

 

М.Насан 

 

 

СЭТГЭГДЭЛ БИЧИХ

Зочин:
Төгрөгний ханш 15%-иар унаснийг хэлж байгаа юм уу.
2021-07-20
иргэн:
Зээл нэртэй шингэхгүй их хэмжээний мөнгөний нийлүүлэлтээ зогсоогоочээ. Зах зээлийн бүтцээ эвдээд байна. Бараа эргэлт буураад байхад эсэргээр нь мөнгөний нийлүүлэлт хийгээд байхаар чинь төгрөгийн ханш унаад замаа алдлаа шүү дээ. Наад их хэмжээний мөнгөө болиод гол нь бараа эргэлтийн саад элдэв баррераа багасгаж нийлүүлэлтээ дэмжээд өгөөчээ.
2021-07-20
иргэн:
15 хувиар эдийн засаг өссөн гэдэг чинь төгрөгийн ханш 15 хувиар унаж, иргэдийн худалдан авах чадвар 15 хувиар буурсан гэсэн үг үү. Тэгэж л ойлгогдоод байх юм. Энэ эдийн засаг 15 хувиар өссөн гэдэг нь сайн үзүүлэлт үү муу үзүүлэлт үү. Ямартай ч бодит амьдрал дээр иргэдийн орлого өсөөгүй хэр нь бараа бүтээгдэхүүний үнэ жигд 40-120 хувь өссөн гэхээр ард түмний худалдан авах чадвар дахин буурчууд байна. Өөрөөр хэлбэл 2-ийг авч хэрэглэдэг байсан бол 1-ийг л хэрэглэдэг болоод байна шүү дээ.
2021-07-20