Зуны гурван сар нам жим байсан улс төрийн хүрээнийхнийг ирэх 10 дугаар сард Сонгинохайрхан дүүрэг, Хэнтий аймагт явагдах нөхөн сонгууль сэрээжээ. Хуулийн дагуу нөхөн сонгуульд оролцох улс төрийн намууд материалаа СЕХ-нд хүргүүлж буй.

Нөхөн сонгуульд АН мөн л хоёр талаас толхилцох нь тодорхой болж. УИХ-ын гишүүн О.Цогтгэрэл даргатай АН-ынхан өчигдөр СЕХ-нд материалаа хүргүүлсэн. Харин сонгуулийн байгууллагын төлөөлөл тэдэнд таатай сэтгэгдэл төрүүлээгүй гэнэ. Энэ талаар өнөөдөр АН-ын Хэрэг эрхлэх газрын дарга Б.Ган-Очир мэдээлэл хийж, хэвлэлийнхэнтэй мэдрэмжээ хуваалцлаа.

Түүнийг сонгуулийн материалаа хүлээлгэн өгөхөд эрх баригч МАН энэ удаагийн нөхөн сонгуульд С.Эрдэнэ даргатай АН-ыг дэмжиж, тэр талыг захиалсан нь мэдрэгдсэн гэнэ шүү. Бүр СЕХ С.Эрдэнийн талд нэр дэвших эрх өгөх уур амьсгалтай байгааг тэр мэдэрчээ. Тэрбээр өмнөх сонгуулиудад ард түмний дэмжлэгийг авч чадаагүй С.Эрдэнийн талынхан энэ сонгуульд ялах уу гэдгийг хэн нэгнээс асууж байна. Бүр Сонгинохайрхан дүүрэгт С.Эрдэнэ нэр дэвших сурагтай байсан, тэндээс ялах уу хэмээн их л эгдүүцсэн байдалтай байр сууриа илэрхийллээ.

В.Бат