Олимпын аварга Н.Түвшинбаяр архи согтууруулах ундаа хэрэглэсэн үедээ  өөрийн найз Улсын начин Э.Энхбатын биед халдаж, ноцтой гэмтэл учруулсан. Улмаар Улсын начин Э.Энхбат БНСУ-д эмчлүүлж байгаа. Тэгвэл Улсын начин Э.Энхбатын гэргий өөрийн цахим хуудаснаа эмчилгээний зардал дутагдаж буй талаар бичжээ.

Тэрбээр, "Н.Түвшинбаяр теннис тоглоод хүүхдүүдээ эрхлүүлээд юу ч болоогүй мэт явж байхад миний гурван хүүхэд өдөр бүр бурханаас аавыгаа ухаан орохыг, хөл дээрээ босохыг чинь сэтгэлээсээ уйлаад гуйгаад бяцхан биендээ байхгүй тэвчээр ухааныг гаргаж аавыгаа хараад аав минь одоо босоод ирээч гээд гуйгаад ээжийгээ уйлахаар нулимсыг минь арчиж, аргадаж байгаа үрсээ хараад шүд зуугаад л аль болох сайхан зүйл бодож өдөр хоногийг өнгөрөөж байна. Яагаад хүний муу нь жаргаж хүний дээд сайн хүн нь зовж байх ёстой гэж. Миний хань бол зүгээр хорхойд ч хоргүй хавь ойрын бүх хүнд туслахыг боддог сайн залуу. Заримдаа гомдох л юм. Та нарт үнэнийг хэлбэл нүд нь орой дээрээ гарна даа. Теннис тоглож зугаацаж явахаар эмчилгээний төлбөрийг цаг тухайд хурдан төлнө үү. Цааш нь дамжуулаад хэлээрэй. Намайг viber блок хийсэн бололтой. Бид зөвхөн эмчилгээний төлбөрөө л нэхэж байна. Цаана нь өчнөөн зүйл золиослогдож байгааг ухаарах ухаан даан ч байхгүй л дээ. Зөв зүгээр сайхан ирээдүйн төлөө зүтгэж хичээж хэнээ ч дутахгүй сайхан аз жаргалтай амьдарч байсан сайхан амьдралаа үгүйлж байна.  Би ханийхаа төлөө бүхнийг хийнэ. Үнэн зөвийг нь олтлоо явна. Хэрэг хийсэн хэрэгтнүүд юу ч болоогүй мэт зугаацаж явж байгаа ч та нарыг бидэнд учруулсан энэ их зовлон шаналлыг хэд дахин хөх тэнгэр амсуулах цаг ирнэ" гэжээ.