АН-аас цаг үеийн асуудлаар мэдээлэл хийлээ. М.Тулгат даргатай АН-ыг УИХ-ын нөхөн сонгууль оролцуулахаар СЕХ бүртгэсэн. АН-ын Ерөнхий нарийн бичгийн дарга Ч.Өнөрбаяр:

-АН өнгөрсөн долоо хоногт УИХ-ын нөхөн сонгуульд оролцохоор материалаа хүргүүлж, СЕХ бүртгэлсэн. Эрх баригчид гарч ирэхдээ олон зүйл амласан ч одоо өргөн хэрэглээний бараа, шатахууны үнэ өссөн, эдийн засаг хямарсан. Ковидгүй зуныг угтъя гэсэн. Халдварын тархалт буурахгүй нэмэгдсэн. Эрх баригчид иргэдийн итгэлийг алдсан. Эрх баригчид эдийн засгаа босгох хэрэгтэй.  Энэ удаагийн нөхөн сонгуульд АН хариуцлагатай оролцох ёстой. Тиймээс УИХ-ын 18, 28 дугаар тойрогт болох нөхөн сонгуулийн ажлын хэсэгт батламж гардуулж байна хэмээв.  

Хэнтий аймагт явагдах УИХ-ын сонгуулийн 18 дугаар тойргийн нөхөн сонгуулийг зохион байгуулах АН-ын ажлын хэсгийг УИХ-ын гишүүн асан Б.Гарамгайбаатар, Сонгинохайрхан дүүрэг дэх УИХ-ын сонгуулийн 28 дугаар тойрогт нөхөн сонгуулийг зохион байгуулах АН-ын ажлын хэсгийг УИХ-ын гишүүн асан Р.Эрдэнэбүрэн ахалж байгаа юм. 

АН-ын ажлын хэсгийн ахлагч Б.Гарамгайбаатар, Р.Эрдэнэбүрэн нар нөхөн сонгуульд нэр дэвшихгүй гэдгээ илэрхийлж, "О.Цогтгэрэл даргатай АН-ын гишүүдтэй уулзна. АН-ыг нэгдэж нөхөн сонгуульд оролцохыг нийгэм шаардаж байгаа. Бид мэдэгдэж хүргүүлсэн. АН нэгдэж оролцох эсэхээс хамаарч нэр дэвшигчээ тодруулна" хэмээв. 

Н.Нягт