Цар тахлын халдварын тархалт буураагүй, эдийн засаг хямарсан энэ үед парламентыг ээлжит бус чуулганаа зарлан хуралдуулахыг зарим хүмүүс шаардаж байсан. Энэ талаар УИХ дахь МАН-ын бүлгийн дарга Д.Тогтохсүрэнгээс тодруулахад:

-Ээлжит бус чуулганыг хуралдуулах  нөхцөл бүрдээгүй байна. Хэрвээ хуралдуулах бол эхлээд хэлэлцэх асуудлын жагсаалтаа батална. Засгийн газраас яаралтайгаар хэлэлцүүлэх асуудал УИХ-д өргөн бариагүй байгаа.  Тиймээс ирэх намрын чуулганаар хэлэлцэх хуулийн төслийн ажлын хэсэгүүд ажиллаж, зарим гишүүд тойрогтоо ажиллаж байна.

-Ерөнхий сайд Л.Оюун-Эрдэнийг огцруулах бичигт УИХ дахь МАН-ын бүлгийн гишүүдээс гарын үсэг зурсан байх магадлалтай гэсэн мэдээлэл гарсан. Энэ талаар тайлбар хийхгүй юу?

-Тийм мэдээлэл гарсан байсан. Энэ бол худал мэдээлэл. Манай бүлгийн гишүүд Л.Оюун-Эрдэнэ Ерөнхий сайдыг огцруулах асуудлаарх бичигт гарын үсэг зураагүй.