Монгол Улсын Засгийн газраас “Монгол Улсын виз олгох журам”-ыг шинэчлэн баталж, 8 дугаар сарын 16-наас мөрдөж эхэлсэн. Шинэчилсэн журмын дагуу Гадаад харилцааны яамнаас олгож байсан бизнес ангиллын визийг Гадаадын иргэн, харьяатын газар олгохоор болсон тул мөн өдрөөс эхлэн бизнес, ажил хэргийн зорилгоор гадаадын иргэнийг урих тохиолдолд https://eimmigration.mn холбоосоор орж хүсэлтээ гаргана. Үүнд: 

Гадаадын иргэний оршин суух зөвшөөрлийн хугацааг сунгуулах хүсэлт гаргагч та:

1. https://eimmigration.mn - сайтад нэвтэрч, шаардагдах бичиг баримтийн хуулбарыг хавсаргаж цахим хүсэлт илгээнэ.
     - шинээр нэвтэрч байгаа тохиолдолд “Шинээр бүртгүүлэх” хэсэгт бүртгүүлнэ.
     - Өмнө нь бүртгүүлж байсан бол өмнөх эрхээрээ нэвтэрч хүсэлтээ илгээнэ.
     - Хүсэлтээ оруулахдаа “Оршин суух” хэсэгт тохирох ангиллын цонхонд оруулна.
2. Таны хүсэлтийг цахимаар хянаад шаардлагатай зүйлсийг танд  мэйлээр  ажлын 3 өдөрт мэдэгдэнэ.
3. Ажлын 3-5 хоногт багтаан уг бичиг баримтын үнэн зөв эсэхийг хянаж нягталсны үндсэн дээр таны хүсэлтийг шийдвэрлэнэ.
4. Хариуг танд мэйл болон мессеж илгээж мэдэгдэнэ.

Монгол Улсын Дипломат Төлөөлөгчийн газар болон Консулын газар байхгүй улсаас ирэх гадаадын иргэнд визийн зөвшөөрөл хүсэх тохиолдолд уригч нь хилийн боомт дээр виз олгуулах хүсэлтээ тухайн гадаадын иргэнийг Монгол Улсад ирэхээс 14 хоногийн өмнө гаргана.

Эх сурвалж: ГХЯ