ЭМЯ-наас коронавирусийн халдварын нөхцөл байдлын талаарх мэдээллийг хүргэж байна. Хэвлэлийн хуралд ЭМЯ-ны нийтийн эрүүл мэндийн бодлогын хэрэгжүүлэлтийг зохицуулах газрын дарга Л.Энхсайхан оролцож, сэтгүүлчдийн асуултад хариуллаа. 

Дархлаажуулалтын гуравдугаар тун, АстраЗенека вакцины хувьд?

Хэвлэлийн хуралд ЭМЯ-ны нийтийн эрүүл мэндийн бодлогын хэрэгжүүлэлтийг зохицуулах газрын дарга Л.Энхсайхан:

-Оксфордын их сургуулийн судалгаа, мэргэжлийн холбоодын зөвлөмжийг харсан. АстраЗенека вакцин буюу нэмэлт тун хийсний дараа альфа, бетта, дельта хувилбараас сайн хамгаалж байгаа гэх үр дүн бий. Тиймээс дархлаажуулалтын гуравдугаар тунд АстраЗенека вакциныг хийж байгаа. Ямар ч вакцин хийлгэсэн хүмүүс өвчилж болно. Гэхдээ хүндэрч, нас барахгүй байгаа нь хамгийн чухал. Коронавируст халдварын эсрэг вакцин нь хүндрэл, нас баралтаас 92 хувь хамгаалж байгаа. Мөн  хувилбарт халдвараас ч сэргийлж байгаа. 

М.Насан