Ерөнхийлөгчийн тэтгэлгээр дэлхийн шилдэг их, дээд сургуульд суралцах боломжтой

img
Гэрэл зургийг MPA.mn

Монгол Улсын Ерөнхийлөгчийн Тамгын газар, Боловсрол, шинжлэх ухааны яам хамтран мэдээлэл хийлээ. ЕТГ-ын дарга Я.Содбаатар: 

 

-Дэлхийд өрсөлдөх чадварыг нэмэгдүүлэх, хүүхэд залуучуудын суралцах тэгш боломжийг хангах, дэлхийн шилдэг их, дээд сургуульд суралцахад дэмжлэг үзүүлэх зорилготой юм.

 

Тухайн жилийн элсэлтийн ерөнхий шалгалтад харьяалах сум, нийслэлийн хороондоо хамгийн өндөр оноо авсан тус бүр нэг иргэнийг Дэлхийн шилдэг их, дээд сургуульд суралцуулахад бэлтгэх дотоодын төрийн өмчийн их сургуулийн тэтгэлгийн бэлтгэл хөтөлбөрт элсүүлэх, үүнийг амжилттай төгсөж, дэлхийн шилдэг их, дээд сургуулийн бакалаврын үндсэн хөтөлбөрт суралцах эрх авсан бол  сургалтын тэтгэлэг олгоно.

 

Мөн Монгол Улсад болон олон улсад хүлээн зөвшөөрөгдсөн олимпиадад медальт байрт шалгарсан сурагч дэлхийн шилдэг 100-д багтсан их, дээд сургуулийн бакалаврын үндсэн хөтөлбөрт суралцах эрх авсан бол сургалтын тэтгэлэг авах юм.

 

Нэрэмжит тэтгэлгээр суралцуулах мэргэжлийн хуваарилалтыг Монгол Улсын хөгжлийн бодлого, Засгийн газрын баталсан тэргүүлэх ач холбогдолтой мэргэжлийн чиглэлтэй уялдуулан тогтоох бөгөөд тэтгэлгээр суралцаж төгссөн иргэн орон нутагтаа ажиллана. Ажлын байраар хангах зэрэгтэй холбоотой асуудлыг холбогдох хууль тогтоомжид тусгах талаар судалж, зохион байгуулахыг зарлигт тусгажээ.

 

Ерөнхийлөгчийн тэтгэлгээр дэлхийн шилдэг их, дээд сургуульд суралцуулахад шаардагдах зардлыг жил бүрийн улсын төсөвт тусгаж, жил бүрийн гуравдугаар улиралд багтаан Монгол Улсын Ерөнхийлөгчид болон олон нийтэд мэдээлнэ. Нэрэмжит сургалтын тэтгэлэг олгох журмыг Засгийн газрын хуралдаанаар хэлэлцэж батлах юм.

 

Монгол Улсын Ерөнхийлөгчийн зарлигт Монгол Улсад болон олон улсад хүлээн зөвшөөрөгдсөн олимпиадад медальт байрт шалгарсан сурагчдад нэг удаагийн урамшуулал олгох, улсын олимпиадуудын шатлал, цар хүрээг нэмж олон улсын ангилалтай уялдуулан зохион байгуулах, хүүхэд бүр оролцох тэгш боломжийг бүрдүүлэх, сурагчдыг бэлтгэж оролцуулах багш нарыг дэмжих, шаардлагатай багаж төхөөрөмжөөр хангах, Олимпиадыг зохион байгуулах хорооны тогтвортой үйл ажиллагааг дэмжих зэргийг  тусгажээ.

 

Энэ нь монгол хүний оюун ухааны үнэлэмжийг дээшлүүлэх, олон улсын түвшинд шинжлэх ухааны мэдлэгээр өрсөлдөх чадварыг хөхиүлэн дэмжих, сурагчдыг олимпиадад оролцох нөхцөлийг бүрдүүлэх, урамшуулах зорилготой юм.

 

Монгол Улсын Ерөнхийлөгч У.Хүрэлсүх 2021 оны 08 дугаар сарын 03-ны өдөр Олон улсын математик, физик, мэдээлэл зүй, хими, биологийн олимпиадаас медаль хүртсэн Монголын багийн төлөөллийг хүлээн авч уулзаж, баяр хүргэсэн. Энэ үеэр  “Оюун ухааны олимп гэгддэг олимпиадад оролцож амжилт гаргасан  хүүхдүүдийг төр, засаг зүй ёсоор үнэлдэг болох ёстой. Тийм цаг ирсэн. Монгол Улсын Ерөнхийлөгчийн хувьд зарлиг гаргана” гэдгээ хэлж байсан.

 

Монгол Улсын баг сүүлийн таван жилд Олон улсын математик, физик, мэдээлэл зүй, хими, биологийн олимпиадаас 52 медаль авсан байна. 2021 онд гэхэд л  математикийн олимпиадаас хоёр алт, хоёр мөнгө, хоёр хүрэл, физикийн олимпиадаас хоёр хүрэл, мэдээлэл зүйн олимпиадаас нэг мөнгө, химийн олимпиадаас хоёр мөнгө, нэг хүрэл, биологийн олимпиадаас нэг мөнгө, хоёр хүрэл, нийт 15 медаль буюу түүхэндээ хамгийн олон медаль хүртжээ.

 

Багийн амжилт тогтвортой өсөж, дэлхийн 107 орноос 11 дүгээр байранд орсон нь Монгол Улсын Ерөнхийлөгч болон Засгийн газраас бодлогоор дэмжих, урамшуулах, хүртээмж, тэгш боломжийг хангах нь зүйтэй гэж үзжээ.

 

БШУ-ны сайд Л.Энх-Амгалан:

 

-330 сум, 9 дүүргийн 170 мянган хорооноос математик, гадаад хэлний ЭЕШ-д хамгийн өндөр оноо авсан 504 хүүхдийн нэгдүгээр курст суралцуулангаа гадаадын тэтгэлэгт нэг жилийн хөтөлбөрт хамруулахаар болж байна. Ирэх жил гадаад хэлний шалгалтдаа босго давсан хүүхдийг дэлхийн шилдэг их дээд сургуульд сургана. Энэ тэтгэлэг боловсролын зээлийн сангаар дамжина. Засгийн газрын хуралдаанаар маргааш шийдвэрлэнэ. Дэлхийн шилдэг их, дээд сургууль өндөр төлбөртэй. Ерөнхийлөгчийн зарлиг гарснаар дэлхийн шилдэг их, дээд сургуульд оролцох боломж гарч байна. 

Мөн дэлхийн оюуны олимпиадад амжилттай оролцсон хүүхдүүдийг жил бүр урамшуулна. 

Н.Нягт

СЭТГЭГДЭЛ БИЧИХ

ds:
Ene bolomjiig har muugainuud l buu ashiglaasaidaa!!! Uur yu huseh ve. Erh medel ed hurungutei humuusiinh yvj duusaagui l bgaa bizdee?!
2021-08-30
Малчин:
Хамгийн шилдэг хүүхдүүд чинь эргэж ирэхгүй,харь орны хүн болдгийг хэзээ ухаарах бэ? Юугаа ч мэдэхгүй нялх амьтад очоод тун амархан уусаж, Монгол гэх шинжгүй л болдгийг бид бүхэн мэдэхгүй гэж үү
2021-08-30
Zochin:
Ene Sodbaatariin huuhed neg ym chuu ai gej horoondoo negeer garch irj bgaa ym bhdaa.eruñhiilugchiin iin saihan sanaliig ingeed shabartai hutgachih ymaa.ehnii 500 huuhdee l shalgaruulah estoi um shuu dee
2021-08-30
Эргүү малнуудаа гадаад хэлний хамгийн өндөр оноог хувийн сургуулийнхүүхдүүд түүнэ. Битгий л хувийн сургууль төгсөгчдөд өгөхгүй гэж тэнэгтээрэй.
2021-08-30
Zochin:
Зөв хандлага. Шинжлэх ухаанд дургүй хүмүүс бас байнаа. Тэднийг зөв хүн болгох бас хэрэгтэй байнаа
2021-08-30
Хуцаад байгаа хүүрэнсэгийн цүнх баригч вэ энэ муруй нүүрт сдаа. Бидний л татвар ш дээ. Зүгээр л хүүхдүүдэд минь өг цаашаа. Худлаа попроод shit. Хууль бусаар төрийн эрх авсан болохоор хууль бус. Бас ер ийн тэтгэлэг гэчжээ ичээч хүүрнүүүүүд
2021-08-30