Монголын боксын холбооны бага хурал есдүгээр сарын 5-нд Тусгаар тогтнолын ордонд боллоо. Уг хурлаар УИХ-ын гишүүүн, Хууль зүй, дотоодын хэргийн сайд Х.Нямбаатарыг холбооны ерөнхийлөгчөөр 100 хувийн саналаар сонгов. Мөн дэд ерөнхийлөгчөөр Ц.Бат-Энх, Э.Бадар-Ууган, П.Сэрдамба, В.Ганзориг, М.Баянмөнх нарыг сонгосон байна.

Өмнө нь УИХ-ын гишүүд бүрэн эрхийнхээ хугацаанд төрийн бус байгууллагын сонгуульт албан тушаал хавсран гүйцэтгэхийг хориглодог байсан. Харин 2020 оны долдугаар сард УИХ-ын тухай хуулийн шинэчилсэн найруулгаар гишүүн бүрэн эрхийнхээ хугацаанд ТББ-ын сонгуульт албан тушаал хавсран гүйцэтгэх эрхтэй хэмээн өөрчлөлт оруулсан тул Х.Нямбаатар эл албан тушаалд томилогдсон байна.

Тэрбээр Монголын боксын холбооны 15 дахь ерөнхийлөгч болжээ. Х.Нямбаатар ерөнхийлөгчөөр сонгогдоод Монголын боксчдод зориулсан ордон барихаа амласан. Мөн ДАШТ-д оролцох тамирчдын бүх зардлыг даахаа мэдэгдсэн байна.