Засгийн газрын өнөөдрийн хуралдаанаар коронавирусийн халдварын нөхцөл байдал, вакцинжуулалтын талаар хэлэлцэж, Ерөнхий сайд Л.Оюун-Эрдэнэ вакцины III тунгийн хамрагдалтыг эрчимжүүлэх үүргийг өгчээ. Коронавирусийн эсрэг вакцинжуулалтын I тунд нийт иргэдийн 69.2 хувь нь хамрагджээ. Харин II тунгийн хамрагдалт 65.4 хувь, III тунд 297 000 хүн хамрагджээ. Нэмэлт тунд 55-59 насныхан идэвхтэй хамрагдаж байна.

Вакцинд хамрагдалт:

Жирэмсэн эмэгтэй 6260

Хөхүүл эмэгтэй 6349

12-15 насны 182 000

16-17 насны 75 000 хүүхэд вакцинд хамрагдлаа.

Монгол Улсад вакцины III тунд хамрагдсан 255 иргэнд хийсэн судалгаагаар вакцин хамрагдаад 14 хоносон иргэдийн 0.1 хувь нь халдвар авчээ. Энэ нь III тунгийн үр дүн өндөр байгааг илтгэж буйг Засгийн газраас мэдээлж байна.

Манай улс 6.3 сая тун вакцин татан авснаас өнөөдрийн байдлаар 1.2 сая тун вакцины нөөцтэй байна.

В.Бат