ЭХ-ний яамнаас сайжруулсан шахмал түлшний хомстлын асуудлаар мэдээлэл хийлээ. ЭХ-ний сайд Н.Тавинбэх:

-Улсын хэмжээнд сайжруулсан шахмал түлшний нөөцийн 70 орчим хувийг бүрдүүлсэн. Борлуулалтын цэг цөөдсөнөөс хомстол үүссэн. Энэ жил хэрэглээ өслөө. Энэ нь төрөөс сайжруулсан түлшний үнийг 50 хувь хөнгөлсөн. Ойрын өдрүүдэд хүйтэрсэн.  Иргэдэд карт давхардаж олгосон зэрэгтэй холбоотой асуудал үүссэн. 

Тиймээс өнөөдрөөс эхлээд сайжруулсан шахмал түлшний борлуулалтын цэгийг 100-гаар нэмэгдэж байна. Өнөөдрийн хэмжээнд 280 цэг ажиллаж байсан. Өвлийн ид ачааллын үед сайжруулсан шахмал түлшний борлуулалтын цэгийг 600 хүртэл тоогоор нэмнэ. 

Сайжруулсан шахмал түлшний хөнгөлөлттэй үнэ 2022 оны дөрөвдүгээр сар хүртэл үргэлжилнэ гэлээ. Тэрбээр мэдээлэл хийснийхээ дараа сэтгүүлчдийн асуултад хариулав. 

-Шахмал түлшний картыг үргэлжлүүлж олгох уу? Яагаад долоо хоногт 6 шуудай шахмал түлш гэж тогтоосон бэ? 

ЭХ-ний сайд Н.Тавинбэх: 

-Албан ёсоор долоо хоногт нэг өрхөд олгодог сайжруулсан шахмал түлшний хэмжээг хязгаарлаагүй. Нэг өрхөд долоо хоногт 6 шуудайг олгож байгаа. Шаардлагатай бол энэ тоог нэмж болно. 

НИТХ-ын дарга Ж.Батбаясгалан: 

-Хэрэглээ 40 гаруй хувиар нэмэгдсэн. Үйлдвэрлэлийн хүчин чадал, шугамаа нэмсний дараагаар хэрэглээ огцом өссөн. Нийт жилийн хэрэглэдэг байсан түүхний нүүрсний хэрэглээн дээр тулгуурлаж тооцоо гарагсан байсан. Тиймээс бид хэрэглээндээ уяж, цэгүүдээ нэмж байгаа юм. 

Н.Нягт