Коронавирусийн халдвараар өвчилсөн иргэд хөдөлмөрийн чадвараа алдсан түр тэтгэмж авах эсэх талаах НДЕГ-ын дэргэдэх Эмнэлэг хөдөлмөрийн магадлах төв комиссын Магадлагч эмч Ц.Гансүхээс тодрууллаа. 

НДЕГ-ын дэргэдэх Эмнэлэг хөдөлмөрийн магадлах төв комиссын Магадлагч эмч Ц.Гансүх "Коронавирус халдварын улмаас өвчилсөн даатгуулагчид хөдөлмөрийн чадвар түр алдсаны тэтгэмж авах эрхтэй. Ингэхдээ эрүүл мэндийн байгууллагаас олгосон хуудсыг үндэслэн тэтгэмж олгодог. Тухайн иргэн эмнэлгийн тусламж үйлчилгээ авсан хугацааны хуудсыг эрүүл мэндийн байгууллагаас авч харьяа нийгмийн даатгалын хэлтэс болон ажил олгогчид хүргүүлнэ. Ингэснээр холбогдох журмын дагуу тэтгэмжээ авах боломжтой. Тус тэтгэмжийг олгох хувь хэмжээ нь тухайн даатгуулагчийн сүүлийн гурван сарын хугацаанд бүтэн ажилласан хөдөлмөрийн хөлсний дунджаас 50-75 хувиар бодож олгоно" гэж мэдээллээ. 

М.Насан