УИХ-ын чуулганаар ҮХЦ-ийн 2021 оны 07 дугаар дүгнэлтийг хэлэлцэж байна. Эрүүгийн хэрэг хянан шийдвэрлэх тухай хуулийн зарим заалт Үндсэн хуулийн холбогдох заалтыг зөрчсөн хэмээн дүгнэжээ. Дүгнэлттэй холбогдуулан УИХ-ын гишүүд асуулт асууж, хариулт авлаа.

УИХ-ын гишүүн Д.Ганбат:  Үндсэн хуулиар хууль, шүүхийн өмнө бүгд тэгш эрхтэй. Гэтэл өнөөдрийн нөхцөл байдал ямар байна вэ. Үгээ хэлж, үзэл бодлоо илэрхийлсэн хоёр хүнийг хорьчихсон байна. Яргалах гээд байгаа юм уу. Манлайбаатар Дамдинсүрэн шиг босоогоороо нас барах юм уу. Найман иргэнийг дуудаж байцааж байна. Өмгөөлөгчдийг дарамталж байна. Үүнийг хариуцаж ажиллах ёстой Засгийн газар хаана байна вэ. Хэнд үйлчлээд байгаа юм бэ

Хуульзүйн сайдаар олигтойхон хүн ажиллуулж болдоггүй юм уу.  МУИС-ийг төгссөн хүнээр хуульзүйн сайд тавьж чадахгүй байна уу, та нар. Энэ хуульзүйн сайдаа соль. Хаана байна, тэр шударга шүүх чинь. Үндсэн хууль хаана биелэгдэж байгаа юм бэ. Монгол хүү шоронд нас барах уу.  Хуулийн биелэлтийг бид шаардах эрхтэй. ҮХЦ гээд хэдэн мануухай тэнд байна хэмээн уур бухимдлаа илэрхийллээ.