Македоноос ирсэн автобус даваа гарагийн орой хилээр нэвтэрч, Болгарын зам дээр явж байхдаа осолдсон талаар Болгарын БГНЕС агентлаг мэдээлжээ.

Эх сурвалжийн мэдээлснээр, зам тээврийн ослын дараа автобус шатсан байна. Автобусанд 52 хүн зорчиж явсан бөгөөд тэднээс 45 хүн, тэр дундаа 12 хүүхэд энэ ослын улмаас амиа алдсан байна. Амьд үлдсэн хүмүүсийн дунд автобусны жолооч, хоёр эмэгтэй, таван эрэгтэй байгаа гэнэ. Тэднийг эмнэлэгт хүргэжээ.

Осол болох үед усархаг бороо орж байсан бөгөөд цаг агаарын энэхүү таагүй үзэгдэл эсвэл жолооч зүүрмэглэсний улмаас осол гарсан байж болзошгүй гэж урьдчилсан байдлаар таамаглаж байгаа аж. 

Г.Бямбасүрэн